На абласной музычна-тэарэтычнай алімпіядзе Смаргонскую школу мастацтваў будуць прадстаўляць Наталля Шумская, Ганна Тарнацкая, Святлана Крайняя, Сяргей Вагера. Яны былі лепшымі на унутрышкольнай адборачнай алімпіядзе, якая прайшла 15 лютага.

Гульні чарговага туру Славянскай баскетбольнай лігі адбудуцца 23-26 лютага ў Смаргоні ў спарткомплексе “Юнацтва”. Сустрэнуцца каманды Малдовы, Расіі, Украіны і Беларусі.

БАСКЕТБОЛ. У папярэдніх гульнях Чэмпіянату дзіцячай баскетбольнай лігі 10-12 лютага ў Смаргоні сустрэліся юнакі 1990-1991 гадоў нараджэння з Гродна, Магілёва, Мінска і Смаргоні. Чарговы тур, дзе каманды будуць змагацца за выхад у фінал, мае адбыцца ў сакавіку.

У Смаргоні ліквідавалі раённую арганізацыю Беларускага Народнага Фронту “Адраджэньне” і Свабодны прафсаюз прадпрымальнікаў Смаргонскага раёну. Такое рашэньне прыняў мясцовы райвыканкам. Са словаў лідэра гэтых грамадзкіх арганізацыяў Алеся Дзергачова, гэта былі апошнія незалежныя дэмакратычныя структуры ў горадзе.